Алтайн Урианхайн Түүх, Угсаа Хамаарлын Асуудал


Ц.Гантулга
Салбар:Нийгэм
Улсын дугаар: 1283
Хамгаалсан он: 1999

Энэхүү бүтээл нь Монгол угсаатны түүхийн нэгэн хэсэг болох Урианхайчуудын түүхийг цаашид улам бүр гүнзгийрүүлэн судлах, өргөтгөн баяжуулахад болон Алтай Урианхайчуудын угсаа гарвал, удам түүхийг ямар нэгэн хэмжээгээр тодотгон тодорхойлоход зохих хувь нэмэр болох юм. Шинэлэг тал: 1. Эртний аймаг Урианхай аймаг болон бутралын үеийн Урианхан түмэн тэдний удам хойчсын асуудлыг нэгэн бүхэллэг болгон улируулан авч үзэх үндсэн дээр тодотгон судалж нэгтгэн гаргахыг оролдсон 2. Монголын нэгдсэн улс, эзэнт гүрний үеийн түүхэнд Урианхай аймгийнхны эзлэх байр суурь, гавъяа зүтгэл хийгээд тэдний дундаас төрөн гарсан зрим цэрэг, улс төрийн алдартай зүтгэлтнүүдийн үйл хэргийг түүхэн судлалын үүднээс бодитойгоор үнэлэн үзүүлэхийг эрмэлзсэн. 3. Манай түүх судлалд учир битүүлэг байгаа Урианхайн түмний тухай тэднийг бутраан тараасан түүхэн хэрг явдал түүний учир шалтгаан, он цагийн асуудлыг хөндөн үзэж тодотгон тодорхойлох оролдлого хийсэн. 4. Алтайн Урианхайчуудын угсаа гарлын асуудлыг авч үзэхдээ тэднийг монгол гаралтай, Түрэг гаралтай хэмээн харилцан зөрчилтэй үзсээр ирсэн нь угтаа эртний Урианхай аймгийг хоёр салгаж Монгол Түрэг 2 янзын Урианхай байсан гэж үзэж ойлгож ирсэнтэй учгийн шижим холбоотой болохыг гаргаж энэ нь тийм бус, бүр анхнаасаа л нэг л зүйлийн Урианхай байсан болохыг судлаачдын үзэл санаа дээр тулгуурлан хэлэхийг оролдсон болно.
Та энэхүү диссертацийг Шинжлэх ухаан технологийн сангийн номын санд ирж уншиж болно. Хаяг: МТҮПаркийн 325 тоот Утас:312642